სამოგზაურო დაზღვევა მოიცავს გადაუდებელ სამედიცინო და სტომატოლოგიურ მომსახურებას მოგზაურობის დროს.
მომსახურებას იღებ როგორც პროვაიდერ, ისე არაპროვაიდერ კლინიკებში. პარტნიორი კლინიკების შესახებ ინფორმაციას საჭიროების შემთხვევაში Euro-Center Prague-ის ( (+420) 221 860 615) ან ჩვენს ცხელ ხაზზე (+995322505111) გადაამოწმებ.
სამოგზაურო დაზღვევის შეძენისას თუ ბარგსაც დააზღვევ, მისი დაკარგვის ან დაზიანების შემთხვევაში, ზარალს ჩვენ აგინაზღაურებთ.
გაითვალისწინე, რომ ბარგი დაზღვეულია მხოლოდ აეროპორტის ტერიტორიაზე . იმისთვის, რომ ბარგი დავაზღვიოთ, აუცილებელია, ნივთები დაარეგისტრირო, როგორც ცალკე გადასატანი ტვირთი.
სამედიცინო მომსახურების მიღება შეგიძლია, როგორც პროვაიდერ , ისე არაპროვაიდერ კლინიკებში. მას შემდეგ, რაც დაუკავშირდები ცხელ ხაზს, ოპერატორი შენი ადგილმდებარეობის შესაბამისად მოგაწვდის ინფორმაციას პროვაიდერი კლინიკების შესახებ, სადაც მომსახურებას თანაადაფინანსებით მიიღებ. არაპროვაიდერ კლინიკებში მომსახურებას სრულად იხდი და ინაზღაურებ საქართველოში დაბრუნების შემდეგ, თუმცა ცხელ ხაზზე დარეკვა ამ შემთხვევაშიც საჭიროა, რათა თავი აარიდო გადაჭარბებულ ხარჯებს. დოკუმენტების წარმოდგენა შესაძლებელია დაბრუნებიდან 1 თვის განმავლობაში.
მოგზაურობის დროს თუ გადაუდებელი სამედიცინო მომსახურება დაგჭირდა, ხარჯებს ჩვენ დავფარავთ. სამედიცინო მომსახურება მოიცავს:
გადაუდებელი ამბულატორია, როგორიცაა საკვებით მოწამვლა, ტრავმა, მოტეხილობა, ალერგია, დამწვრობა, ცხოველის ნაკბენი, ყურის ტკივილი, მწვავე გასტრიტი და სხვა.
მკურნალობა რეანიმაციაში, რომელშიც იგულისხმება ჯანმრთელობის მწვავე მოშლის გამო რეანიმაციულ ან/და ინტენსიურ განყოფილებაში გადაუდებელი დახმარების გაწევა.
გადაუდებელი სტომატოლოგია , რომელიც მოიცავს კბილის მწვავე ტკივილს, ექსტრაქციას, ადგილობრივ ანესთეზიას.
სამოგზაურო დაზღვევა მოქმედებს როგორც ცალკე, ევროპის ტერიტორიაზე, ისე მთელ მსოფლიოში. პოლისის შეძენის დროს ირჩევ, ევროპაში აპირებ მოგზაურობას, თუ გსურს სამოგზაურო დაზღვევამ მთელი მსოფლიო მოიცვას.
ევროპაში იგულისხმება ყველა ის ქვეყანა, რომელიც გეორაფიულად ეკუთვნის ევროპას , მათ შორის დიდი ბრიტანეთი, რუსეთი, აზერბაიჯანი, სომხეთი, თურქეთი, ტაჯიკეთი, ყაზახეთი, ყირგიზეთი, თურქმენეთი.
მთელი მსოფლიო კი მოიცავს ევროპასა და ყველა იმ ქვეყანას, რომელიც არ შედის ევროპის ჩამონათვალში.
იმის მიხედვით, თუ მოგზაურობისთვის რომელ გეოგრაფიულ არეალს ირჩევ, პოლისის ვალუტაც შესაბამისად უნდა მიუთითო- თუ ევროპას ირჩევ, უთითებ ევროს, თუ მთელ მსოფლიოს - დოლარს. ზარალის დაანგარიშება და ანაზღაურებაც შესაბამისი ვალუტის მიხედვით ხდება ექვივალენტით ლარში.
იმ შემთხვევაში, თუ მოგზაურობის დროს დაგჭირდა გადაუდებელი სამედიცინო ან სტომატოლოგიური დახმარება, პირველ რიგში, დაუკავშირდი Euro-Center Prague-ის ცხელ ხაზს (+420) 221 860 615. ოპერატორებთან გასაუბრებას რუსულ ან ინგლისურ ენაზე შეძლებ. ან დაგვიკავშრიდი ჯიპიაის ცხელ ხაზზე +995322505111 და ჩვენი ოპერატორი თავად მოაგვარებს სამედიცინო დახმარებასთან დაკავშირებულ საკითხებს.